VPN Kya Hai? VPN Se Fayde Aur Nuksan

    0

    Friends, VPN (Virtual private network) kya hai aur kaise VPN ka use karte hai mai aapko es article ke madhyam se batane ja raha hu. Aaj kal har koi internet ka use karte hai lagbhag sabhi log VPN ka naam jaroor sune honge.

    Internet IP address ke dwara browser par koi bhi Website ko ham search karte hai aur open ho jati hai IP address ek Internet Protocol address hota hai. IP ek method ya protocol hota hai jisske dwara ek device se dusre device me data transfer hota hai.

    Sabhi device jaise Computer, Mobile, Printer & Camera etc ka alag-alag IP address hota hai.

    Virtual Private Network ko ham short me VPN kahte hain. VPN ek prakar ka internet connectivity ka tarika hai jo  aapke public aur private network jaise ki Wifi, Hotspot, Internet me security ko badha deta hai.

    VPN Ka Use Kyo Kare?

    VPN ka use adhiktar company apne sensitives data ko protect karne ke liye karte hai aur bhi bahut se log and company jaise Government Website, Educational institute aur anya organisation apne online data  ko hack hone se bachane ke liye VPN ka use karti hai.

    VPN Kaise Work Karta Hai?

    VPN hamare Public network, Private network aur Wifi me secure connection banata hai. Jab bhi ham VPN ke dwara kisi bhi website par visit karte hain to VPN hamari network ki IP adress ko change kar deta hai.

    Jisase kisi ko hamari real IP address ka pata nahi chal pata hai easily VPN ka use karke aap safe browsing kar sakte hai aur apne important data ko bhi surakshit rakh sakte hai.

    VPN ko aap apne kisi bhi device jaise Computer, Laptop, Android phone me use kar sakte hai agar aap computer user hai to VPN software ka use kar sakte hai android mobile ke liye Play store se download karke isska use kar sakte hain.

    VPN ka use karke ham un website ko bhi access kar sakte hain jo hamare country me allowed nahi hai ya hamare country ke liye ban hoti hai.

    Ye website easily access ho jaati hai jaisa ki ham jante hain ki jab ham VPN ka use karte hai to VPN hamare IP address change kar deta hai jisase ki ban ya hamari countery ke liye not allowed website easily open ho jati hai.

    Aur hacker bhi hamari real IP ko identify nahi kar pate hai es prakaar hamara data bhi safe rahta hai.

    VPN Se Fayde kya hai?

    • VPN ka use karke ham internet par safe browsing kar sakte hai.
    • Hacker hamari devices & IP address ki iankari nahi kar pata hai aur na hi hamari location ka pata chal pata hai.
    • Internet par kuchh aisi sites hoti hai jo kisi ek hi country ke logo ke liye bani hoti hai jise other country ke log open nahi kar sakte hai. Jise ham VPN ka use karke open kar sakte hai.
    • Ham apni internet activity ko private rakh sakte hain.

    VPN Se Nuksan Kya Hai?

    • VPN ka use karne se internet speed thodi slow ho jati hai.
    • VPN ko connect karne ke liye anya country ke server se connect karna padta hai.
    • VPN ka use kisi bhi unauthorized site open karne ke liye na kare kyoki unauthorized site ko open karne se apko problem bhi ho sakti hai.

    LEAVE A REPLY

    Please enter your comment!
    Please enter your name here